Heilsugæsla

Opnunartímar:

Mánudaga og fimmtudaga kl. 12 -15

Þriðjudaga, miðvikudaga og föstudag kl. 9 -12

Símatími læknis og hjúkrunarfræðings er eftir samkomulagi

Lyfsalan er opin á sama tíma og heilsugæslustöðin.

Læknir: Sigurður Árnason

Hjúkrunarfræðingur: Auðbjörg Brynja Bjarnadóttir

Sími vaktþjónustur lækna og hjúkrunarfræðinga á HSU er 1700

í neyðartilvikum skal hringja 112

Tímapantanir, viðtal við lækni eða hjúkrunarfræðing og lyfsala í síma: S: 432 2880

Nokkur brot úr sögu heilbrigðisþjónustu í Skaftárhreppi.

Vestur-Skaftafellssýsla var sérstakt læknishérað frá árinu 1875 og náði yfir alla sýsluna og um tíma þjónaði læknirinn líka Öræfasveit. Héraðslæknir var einn hverju sinni en ekki var föst búseta læknis heldur bjuggu þeir hér og þar í héraði allt frá Kálfafelli í Fljótshverfi til Dyrhóla í Mýrdal. Má nærri geta að það hefur verið erfitt verkefni að vitja sjúklinga á svo stóru svæði þar sem jökulvötn og sandar voru farartálmar. Læknissetur var allmörg ár á Breiðabólsstað á Síðu en fluttist síðan í læknisbústaðinn á Kirkjubæjarklaustri 1950. Um 1970 vildu menn byggja upp heilsugæslur um allt land og átti þá að byggja heilsugæslustöð fyrir alla Vestur-Skaftafellssýslu í Vík í Mýrdal. Þótti íbúum austan Mýrdalssands það ekki fýsilegur kostur og var barist fyrir því að reist yrði heilsugæslustöð á Kirkjubæjarklaustri líka. Það kostaði mikla vinnu og útsjónarsemi en það tókst og 1979 var vígð heilsugæslustöðin á Kirkjubæjarklaustri.

Breyttir tímar kalla á ný vinnubrögð og nýjar lausnir og árið 2014 var ákveðið að sameina rekstur heilsugæslustöðva á Suðurlandi og varð Heilsugæslustöðin á Kirkjubæjarklaustri þar með hluti af Heilbrigðisstofnun Suðurlands. Makmiðið með sameiningunni er að tryggja íbúum og ferðamönnum bestu mögulega heilbrigðisþjónustu hverju sinni.